மலட்டுத்தன்மை அல்லது கருவுற இயலாமை என்பது, ஆண் அல்லது பெண்ணில் இருக்கும் ஏதாவது பிரச்சனையினாலோ அல்லது இருவரிலும் இருக்கும் ஏதாவது பிரச்சனையினாலோ ஏற்படலாம். இப்படிப்பட்ட தம்பதியரை சரியான முறையில் மதிப்பீடு செய்வது, உண்மையான காரணத்தைக் கண்டுபிடிக்கவும், அதற்கு ஏற்றவாறு கருவுறுதல் நிபுணர், குறிப்பிட்ட சிகிச்சைத் திட்டத்தை திட்டமிடவும் வழிவகுக்கும்.

பெண்களின் மலட்டுத்தன்மைக்கான காரணங்கள்:

• அண்டவிடுப்புக் கோளாறுகள்
• கருமுட்டைக் குழாய் சிக்கல்கள்
• கருப்பை பிரச்சனைகள்
• புரொலாக்டின் மற்றும் தைராய்டு போன்ற நாளமில்லாக் கோளாறுகள்
• கருப்பை அகப்படலம் மற்றும் கருப்பை திசுக்கட்டி
• உடல் பருமன்

அ. அண்டவிடுப்புக் கோளாறுகள்:

பெண்களுக்கு ஹார்மோன் பிரச்சனைகளால் அண்டவிடுப்புக் கோளாறுகள் ஏற்படலாம். சில அண்டவிடுப்புக் கோளாறுகள் கீழே கொடுக்கப்பட்டுள்ளன:

• PCOS: PCOS: PCOS என்பது அதிகளவில் ஆண்ட்ரோஜன் சுரப்பதால் அண்டவிடுப்பில் தொந்தரவு ஏற்படுத்தும் ஒரு பிரச்சனையாகும். இது பெண்களில் மலட்டுத்தன்மை ஏற்படுவதற்கான பொதுவான காரணங்களில் ஒன்று. இதனால் பெண்களில் மலட்டுத்தன்மையை ஏற்படுத்தும் அறிகுறிகள் எவையெனில், சீரற்ற மாதவிடாய், முகப்பரு, அதிகப்படியான முடி வளர்ச்சி, எடை அதிகரித்தல் ஆகியவையாகும்.
• முதன்மை கருப்பை பற்றாக்குறை/ முன்கூட்டிய கருப்பை செயலிழப்பு: சில பெண்களில், கருப்பைகள் நாற்பது வயதுக்கு முன்னரே பல்வேறு காரணங்களினால் செயலிழந்துவிடும்.
• மரபணு காரணங்கள்: டர்னர் நோய்க்குறி, உடையக்கூடிய எக்ஸ் நோய்க்குறி போன்ற குரோமோசோமால் கோளாறுகள் முன்கூட்டிய கருப்பை செயலிழப்புக்கு வழிவகுக்கும்.

ஆ. கருமுட்டைக் குழாய் பிரச்சனைகள்:

பெண் இனப்பெருக்க அமைப்பில் ஒரு பகுதியான கருமுட்டைக் குழாய் என்பது, கருமுட்டை மற்றும் விந்து கருத்தரிக்கும் இடமாகும். ஆனால் கருமுட்டைக் குழாயில், ஒருவரின் கருவுறுதலைத் தடை செய்யக்கூடிய பல்வேறு பிரச்சனைகள் உள்ளன. அதில் சில காரணங்கள்:

• கருமுட்டை குழாய் இல்லாமை (டியூபல் அப்ளேசியா)
• காசநோய் போன்ற தொற்றுகள்
• இடுப்பு அழற்சி நோயை உண்டாக்கும் பாலியல் வழியாய் பரவும் நோய்கள்
• இடுப்பு அல்லது வயிற்றில் செய்த முந்தைய அறுவை சிகிச்சை
• குடல் அழற்சி
• ஹைட்ரோசல்பின்க்ஸ் (கருமுட்டைக் குழாயில் திரவம் குவிதல்)

இ. கருப்பைப் பிரச்சனைகள்:

• நார்த்திசுக் கட்டிகள்
• அசாதாரண வடிவில் உள்ள கருப்ப
• தின் எண்டோமெட்ரியும் மற்றும் பாலிப்ஸ்

ஈ. கருப்பை அகப்படலம் மற்றும் கருப்பை திசுக்கட்டி:

கருப்பை அகப்படலம் என்பது உள்வரிச் சவ்வு, கருப்பையை விட்டு இடுப்பு/வயிறு போன்ற பகுதிகளில் வளரும் சூழ்நிலையாகும். இது அதிகப்படியான மற்றும் வலி மிகுந்த மாதவிடாயை ஏற்படுத்தலாம். இது மட்டுமன்றி, கருப்பை இருப்பில் குறைவு ஏற்படுவது, கருப்பையில் ஒட்டிக்கொள்ளுதல், முதலியவற்றால் கருவுறுதலையும் இது பாதிக்கும்.

கருப்பை திசுக்கட்டி, கருப்பையக செயல்பாட்டையும், ஏற்புத்திறனையும் பாதித்து, கர்ப்பத்திற்கான வாய்ப்புகளைக் குறைக்கின்றது.

மேற்கண்ட காரணங்கள் கருவுறுதலைத் தடை செய்யும்.

பெண் மலட்டுத்தன்மையைக் கண்டறிதல்:

• உடல் பரிசோதனை
• அல்ட்ராசவுண்ட்
• ஹார்மோன் சோதனைகள்
• கருக்குழாய் ஆய்வு
• ஹிஸ்டெரோஸ்கோபி
• லாப்ரோஸ்கோபி
• மரபணு பரிசோதனை

பெண் மலட்டுத்தன்மைக்கான சிகிச்சை:

• தடைபடும் அண்டவிடுப்பைத் தூண்டுதல்
• அசாதாரண கருப்பை, கார்னுவல் குழாய் அடைப்பு, நார்த்திசுக் கட்டிகள் அல்லது கருப்பையக கட்டிகளை லாப்ராஸ்கோபிக்/ ஹிஸ்டெரோஸ்கோபி அறுவை சிகிச்சை மூலம் சரி செய்தல்
• தேவைப்படும்போது IUI, IVF போன்ற இனப்பெருக்க உதவி தொழில்நுட்பங்கள் பெண்கள் கருத்தரிக்க உதவும்

ஆண்களின் மலட்டுத்தன்மைக்கான காரணங்கள்:

ஆண் மலட்டுத்தன்மை பல்வேறு காரணங்களால் ஏற்படலாம்:

• விந்து உற்பத்தியில் பிரச்சனை: இயல்பான விந்து உற்பத்திக்கு, ஆண் இனப்பெருக்க அமைப்பின் வளர்ச்சியும் உருவாக்கமும் சரியாக இருப்பது மிகவும் முக்கியமாகும்.
• விந்து போக்குவரத்தில் பிரச்சனை: அறுவை சிகிச்சை, பிறவி கோளாறுகள் அல்லது தொற்றுகளினால், விந்துக்களைக் கடத்தும் குழாய்களில் அடைப்புகள் இருக்கலாம்.
• விந்து இயக்கப் பிரச்சனைகள்: விந்துக்கள் அசாதாரணமாய் இயங்கினால், அவை கருமுட்டையை சென்றடைய முடியாது.
• தொற்று: பாலியல் வழியாய் பரவும் நோய்கள் போன்ற தொற்றுகள், விந்து உற்பத்தியையும், விந்து இயக்கத்தையும் தடை செய்யலாம்.
• விந்து வெளியேறுதலில் இருக்கும் பிரச்சனைகள்:நீரிழிவு நோய், சிறுநீர்ப்பை அறுவை சிகிச்சை, மருந்துகள், முதலியவை விந்து வெளியேறுதலில் பிரச்சனைகளை ஏற்படுத்தலாம்.
• புற்றுநோய்: புற்றுநோயும், கீமோதெரபி மற்றும் கதிர்வீச்சு போன்ற சிகிச்சைகளும், ஆண்மையையும் விந்தின் தரத்தையும் பாதிப்பதால் கருவுறுதலைப் பாதிக்கும்.
• மரபணு குறைபாடுகள்: சிஸ்டிக் ஃபைப்ரோஸிஸ், க்லைன்ஃபெல்டர்ஸ் சிண்ட்ரோம் மற்றும் பிற மரபணு கோளாறுகள், விந்து உற்பத்தியையும் போக்குவரத்தையும் பாதிக்கலாம்.
• ஆன்டிஸ்பெர்ம் ஆன்டிபாடிகள்: சில நோயெதிர்ப்பு செல்கள், விந்துக்களை, தீங்கு விளைவிக்கும் படையெடுப்பாளர்களாக தவறாகக் கருதித் தாக்கும்.
• இறங்காத விரைகள்: சில ஆண்களில், பிறப்பதற்கு முன்பே விரைப்பைகள் இறங்காமல் போய்விடுவதால் மலட்டுத்தன்மையை உண்டாக்கும்.
• வரிகோசீல: விதைப்பையின் (விரைப்பையை உள்ளடக்கிய பை) நரம்புகளில் ஏற்படும் அசாதாரண விரிவாக்கம் வரிகோசீல் என்று அழைக்கப்படுகிறது. இது குறைந்த விந்தணு உற்பத்தி மற்றும் விந்தணு இயக்கம் குறைவதற்கு வழி வகுக்கும்.
• வேதிப்பொருள்கள்/எக்ஸ்-கதிர்கள்: பூச்சிக்கொள்ளிகள், நச்சுகள் மற்றும் வெப்பம், குறைந்த விந்தணு உற்பத்திக்கு காரணமாகிறது.
• புகைப்பிடித்தல்: புகைப்பிடிக்கும் ஆண்களுக்கு விந்தணுக்கள் குறைவாகவும், அதன் இயக்கம் குறைந்ததாயும் இருக்கும்.
• உடல் பருமன்: உடல் பருமன் ஹார்மோன் சமநிலையை பாதித்து, கருவுறுதலையும் பாதிக்கும்.

ஆண் மலட்டுத்தன்மைக்கான அறிகுறிகள்:

• பெரும்பாலும் அறிகுறியற்றது
• பாலியல் ஆசையில் மாற்றங்கள்
• சிறிய விதைப்பைகள்
• விதைப்பையில் வலி/வீக்கம்

ஆண் மலட்டுத்தன்மையைக் கண்டறிதல்:

கீழ் காணும் சில பரிசோதனைகள் ஆண் மலட்டுத்தன்மையைக் கண்டறியப் பயன்படும்:

• உடல் பரிசோதனை
• விந்து பகுப்பாய்வு
• அல்ட்ராசவுண்ட்
• ஹார்மோன் சோதனைகள்
• மரபணு சோதனைகள்

ஆண் மலட்டுத்தன்மைக்கான சிகிச்சை:

• ஹைபோகோனாடோட்ரோபிக் ஹைபோகோனாடிசம், விந்தணுக்களின் எண்ணிக்கை குறைதல் மற்றும் ஹார்மோன்கள், ஆன்டிஆக்ஸிடன்ட்கள் போன்றவற்றின் வடிவில் இயக்கம் போன்றவற்றில் மருத்துவ மேலாண்மை.
• IUI, IVF/ICSI போன்ற மேம்பட்ட சிகிச்சைகள் ஆண்களுக்கு மலட்டுத்தன்மையை போக்கவும், தந்தையை அடையவும் உதவும்.
• TESA, Micro-TESE போன்ற விந்தணு மீட்பு நுட்பங்களும், MACS, Microfluidics போன்ற விந்தணுப் பிரிப்பு நடைமுறைகளும் உள்ளன, அவை கருவுறுதலை மேம்படுத்தும்.

மலட்டுத்தன்மை வகைகள்:

• தன்மை மலட்டுத்தன்மை – ஒரு தம்பதியினால் ஒரு வருட முயற்சிக்குப் பின்பும் கருவுற முடியாமல் இருக்கும் நிலை முதன்மை மலட்டுத்தன்மையாகும்.
• இரண்டாம் நிலை மலட்டுத்தன்மை – ஒரு தம்பதியினால் இரண்டாம் முறை (ஒரு வெற்றிகரமான கர்ப்பத்திற்குப் பிறகு) கருவுற முடியாமல் இருப்பது இரண்டாம் நிலை மலட்டுத்தன்மையாகும்.

கருவுறும் ஆற்றல் வயதிற்கேற்ப சரியும். எனவே முன்கூட்டியே கண்டறிதல் மிகவும் அவசியமாகும். கருவுற திட்டமிடுபவர்கள் யாராயினும், அவர்கள் ஆரோக்கியமான உணவுமுறையைக் கடைபிடித்து, தொடர்சியாக உடற்பயிற்சி செய்து, புகைபிடித்தலையும் மதுவையும் விட்டுவிட்டு, சரியான தூக்க முறையைக் கையாண்டு வந்தால், அவை கருத்தரித்தல் வாய்ப்புகளை ஊக்குவிக்கும்.