Author: Dr. Hema Vaithianathan
ఐవిఎఫ్ చికిత్సలో స్త్రీ భాగస్వామి నుండి పొందిన అండాలు మరియు మగ భాగస్వామి నుండి సేకరించిన వీర్యం ఐవిఎఫ్ ప్రక్రియ ద్వారా స్వయంగా ఫలదీకరణం చేయడానికి అనుమతించబడతాయి లేదా ఐసిఎస్ఐ ప్రక్రియలో ఒకే స్పెర్మ్ నేరుగా అండంలోకి ఇంజెక్ట్ చేయబడుతుంది, ఇది తదుపరి పిండ నిర్మాణం కోసం జాగ్రత్త చేయబడుతుంది. ఈవిధంగా సేకరించిన అండం నుండి ఏర్పడిన పిండం 3 లేదా 5 రోజులలోపు స్త్రీ గర్భాశయానికి బదిలీ చేయవచ్చు లేదా అనేక కారణాలను బట్టి కొన్ని వారాలు, నెలలు లేదా సంవత్సరాల వరకూ స్తంభింపజేయవచ్చు తరువాత గర్భాశయానికి బదిలీ చేయవచ్చు. ఘనీభవించిన పిండం బదిలీ ప్రక్రియ, కాలపట్టిక మరియు విజయ రేటును అర్థం చేసుకుందాం.
ఎవరికి FET అవసరం?
– ఐవిఎఫ్ సమయంలో హార్మోన్ల ఉద్దీపన కారణంగా అండాశయ హైపర్ స్టిమ్యులేషన్ సిండ్రోమ్ (ఓహెచ్ ఎస్ ఎస్) అభివృద్ధి చెందే ప్రమాదం ఉన్న కొంతమంది మహిళల విషయంలో, ఎఫ్‌ ఇ టి సిఫారసు చేయబడుతుంది, ఇందులో పిండాలను ఒకే చక్రంలో బదిలీ చేయకపోయినా, బదిలీకి అనుకూలమైన పరిస్థితులు ఉన్నప్పుడు తరువాత బదిలీ చేయడానికి ఫ్రీజ్(స్తంభింపచేయబడతాయి) చేయబడతాయి.
– 35ఏళ్లు పైబడిన జంటలు మరియు PGT (ప్రీఇంప్లాంటేషన్ జెనెటిక్ టెస్టింగ్) అవసరమైన జన్యుపరమైన రుగ్మతలు ఉన్న జంటలకు, స్తంభింప(ఫ్రీజ్)చేసిన పిండ బదిలీఅవసరం. పిజిటి విషయంలో, పిండం నుండి తీసిన కొన్ని కణాలు క్రోమోజోమ్ అసాధారణతల కోసం విశ్లేషించబడతాయి మరియు ఆరోగ్యకరమైన పిండాలు మాత్రమే పిండ బదిలీ కోసం ఉపయోగించబడతాయి.
– క్యాన్సర్ తో బాధపడుతున్న మహిళలకు, క్యాన్సర్ చికిత్సకు ముందు పిండాలను స్తంభింపజేయవచ్చు మరియు భవిష్యత్తులో గర్భధారణ సాధించడానికి ఉపయోగించవచ్చు.
– సంతానోత్పత్తిని వాయిదా వేయాలనుకునే జంటలు వారి పిండాలను స్తంభింపజేయవచ్చు, ఇది వయస్సుతో పాటు వారి సంతానోత్పత్తి సామర్ధ్యం గనుక క్షీణిస్తే వారి సంతానోత్పత్తి సామర్థ్యాన్ని కాపాడడంలో సహాయపడుతుంది.
– కొన్ని జంటలలో ఎక్కువ పిండాలు ఏర్పడినప్పుడు, జంట తమ కుటుంబాన్ని విస్తరించాలని కోరుకుంటే, అదనపు పిండాలను స్తంభింపజేయవచ్చు మరియు భవిష్యత్తులో మళ్లీ గర్భధారణ కోసం ఉపయోగించవచ్చు.
FET ఎలా పని చేస్తుంది?
ఐవిఎఫ్ ప్రక్రియలో, పురుష భాగస్వామి నుండి సేకరించిన వీర్యం మరియు స్త్రీ భాగస్వామి నుండి సేకరించిన అండములు ఫలదీకరణం చెందిన తరువాత ఏర్పడిన పిండం అదే రోజున స్తంభింపజేయబడుతుంది లేదా 3 వ రోజు వరకు పెరగడానికి అనుమతించబడుతుంది (చీలిక దశ అని పిలుస్తారు) మరియు 3వ రోజు స్తంభింపజేయబడుతుంది లేదా 5వ రోజు వరకు పెరగడానికి అనుమతించబడుతుంది (బ్లాస్టోసిస్ట్ అని పిలుస్తారు) మరియు 5 వ రోజు స్తంభింపజేయబడుతుంది.
FET రెండు పద్ధతులలో ఉంటుంది;
1.సహజ చక్రం FET
2.హార్మోన్ పునఃస్థాపన చికిత్స (HRT) చక్రం
సహజ చక్రం స్తంభింపచేసిన పిండ బదిలీ ప్రక్రియ:
– గర్భాశయ పొరల యొక్క మందం (ఎండోమెట్రియం అని పిలుస్తారు) ఇది విజయవంతమైన గర్భధారణకు ముఖ్యమైన పారామితులలో ఒకటి.
– ఈ ప్రోటోకాల్ లో, ఎండోమెట్రియం అభివృద్ధికి హార్మోన్లు ఇవ్వబడవు. స్త్రీ యొక్క అండోత్సర్గ ప్రక్రియ స్కాన్, రక్తం/మూత్ర పరీక్ష ద్వారా ట్రాక్ చేయబడుతుంది మరియు పిండం ఇంప్లాంటేషన్ విండో (గర్భాశయం పిండం స్వీకరించడానికి సిద్ధంగా ఉన్న సమయం) ప్రకారం బదిలీ చేయబడుతుంది. పిండం బదిలీకి ఒక నిర్దిష్ట రోజు నిర్ణయించబడుతుంది మరియు ఆ రోజున, ఘనీభవించిన పిండం కరిగించబడి, స్త్రీ గర్భాశయంలోకి అమర్చబడుతుంది.
హార్మోన్ పునఃస్థాపన చికిత్స (HRT) చక్రం
సాధారణంగా క్రమరహిత ఋతుచక్రాలను కలిగి ఉన్న మహిళల విషయంలో ఈ ప్రోటోకాల్ సిఫార్సు చేయబడుతుంది. సహజ చక్రంలా కాకుండా, ఎండోమెట్రియం యొక్క మందాన్ని మెరుగుపరచడానికి ఇక్కడ ఈస్ట్రోజెన్ మరియు ప్రొజెస్టెరాన్ మందులు ఇవ్వబడతాయి. పరిస్థితులు అనుకూలంగా ఉన్నప్పుడు, పిండం గర్భాశయంలోకి బదిలీ చేయబడుతుంది.
ఘనీభవించిన పిండం యొక్క బదిలీ కాలపరిమితి:
దశ 1: హార్మోన్ల చికిత్స
పిండ బదిలీ కోసం గర్భాశయం యొక్క లోపలి పొరను మందంగా చేయడానికి ఈస్ట్రోజెన్ హార్మోన్ల మందులు ఇవ్వబడతాయి. గర్భం యొక్క అమరిక ప్రక్రియకు (గర్భాశయానికి పిండం యొక్క అటాచ్మెంట్) ప్రోజెస్టెరాన్ తోడ్పాటు కూడా అవసరం, ఇది గర్భాశయాన్ని సిద్ధం చేస్తుంది.
దశ 2: స్కాన్ ల ద్వారా పర్యవేక్షణ
గర్భాశయం పిండాన్ని అమర్చడానికి సిద్ధంగా ఉందో లేదో తెలుసుకోవడానికి అల్ట్రాసౌండ్ స్కాన్లు/రక్త పరీక్షలు చేస్తారు.
దశ 3: పిండ బదిలీ
ఘనీభవించిన పిండం కరిగించబడుతుంది మరియు మరింత అభివృద్ధి కోసం స్త్రీ గర్భాశయానికి బదిలీ చేయబడుతుంది.
దశ 4: గర్భధారణ పరీక్ష
2 వారాల తరువాత, గర్భ నిర్ధారణ పరీక్ష చేయించుకోవాలి.
ఒకే పిండ బదిలీ అంటే ఏమిటి?
సాధారణంగా, గర్భధారణ అవకాశాలను మెరుగుపరచడానికి మొన్నటి వరకూ 2 లేదా 3 కంటే ఎక్కువ పిండాలు స్త్రీ గర్భాశయంలోకి బదిలీ చేయబడేవి. ఏదేమైనా,ఈ విధానంలో గర్భధారణ మధుమేహం, ప్రీఎక్లంప్సియా, ముందస్తు ప్రసవం మరియు తల్లి ఇంకా పిండం ఇద్దరికీ ఇతర సమస్యలకు దారితీసే బహుళ గర్భధారణల ప్రమాదంతో సంబంధం కలిగి ఉంటుంది. ఒకటి కంటే ఎక్కువ గర్భధారణాల ప్రమాదాన్ని తగ్గించడానికి, పిజిటి (ప్రీ ఇంప్లాంటేషన్ జెనెటిక్ టెస్టింగ్) వంటి అధునాతన సాంకేతిక పరిజ్ఞానాలు బదిలీ కోసం ఉత్తమమైన పిండాన్ని ఎంచుకోవడంలో సహాయపడతాయి.. ఈ పద్ధతి ద్వారా, కేవలం ఒక ఆరోగ్యకరమైన పిండం మాత్రమే బదిలీ చేయబడుతుంది, తద్వారా సమస్యలు తగ్గుతాయి. ఈ ప్రక్రియను ఎలెక్టివ్ సింగిల్ పిండ బదిలీ అంటారు.
ఒకే పిండ బదిలీ యొక్క ప్రయోజనాలు:
– 1 ఆరోగ్యకరమైన పిండం ఎంపికలో సహాయపడుతుంది
– గర్భస్రావ ప్రమాదాన్ని తగ్గిస్తుంది
– బహుళ జననాల ప్రమాదాన్ని తగ్గిస్తుంది
తాజా పిండం మరియూ ఘనీభవించిన పిండం బదిలీ:
అదే ఋతు చక్రంలో అండాన్ని సేకరించిన 3 లేదా 5 రోజులలో పిండం స్త్రీ గర్భాశయంలోకి బదిలీ చేయబడినందున తాజా పిండ బదిలీ విషయంలో గర్భధారణ సమయం తక్కువగా ఉంటుంది. ఈ ఘనీభవించిన పిండం తరువాతి ఋతు చక్రంలో బదిలీకి తగినంత అనుకూలమైన పరిస్థితులు ఉన్నప్పుడు మహిళ యొక్క గర్భాశయానికి బదిలీ చేయబడుతుంది,
పిండం బదిలీ విజయం రేటు
ఘనీభవించిన పిండ బదిలీ తాజా పిండ బదిలీ కంటే మెరుగైన విజయ రేటును కలిగి ఉన్నట్లు కనుగొనబడింది. అయితే, పిండ బదిలీ విజయం రేటునుఅనేక అంశాలు ప్రభావితం చేయవచ్చు.
– వయస్సు
– వంధ్యత్వ రకం
– వీర్యం యొక్క నాణ్యత
– అండం యొక్క నాణ్యత
– పిండం నాణ్యత
– గర్భాశయం యొక్క గ్రాహకత
– జీవనశైలి కారకాలు
విజయవంతమైన FET కోసం చిట్కాలు:
ఘనీభవించిన పిండ బదిలీ చక్రానికి ముందు సదరు స్త్రీ తమ శరీరం మరియు మనస్సును సిద్ధంగా ఉంచుకోవాలి.
– సరైన ఆహారం తీసుకోండి:
సమతుల్య ఆహారం మీ శరీరాన్ని స్తంభింపచేసిన పిండం బదిలీ ప్రక్రియ కోసం సిద్ధం చేయడంలో సహాయపడుతుంది మరియు చక్కని ఆరోగ్యవంతమైన బరువును నిర్వహించడానికి కూడా సహాయపడుతుంది.
– జీవనశైలి ఎంపికలు
సరైన నిద్ర, క్రమం తప్పకుండా వ్యాయామం చేయడం, ధూమపానం మరియు మద్యపానం మానేయడం మరియు మంచి మానసిక సమతుల్యత కలిగి ఉండటం విజయవంతమైన ఐవిఎఫ్ ఫలితానికి సహాయపడుతుంది.
– మందులు
సరైన సమయంలో మందులను తీసుకోవడం చాలా ముఖ్యం.
తల్లితండ్రులయ్యే కలను నెరవేరడానికి సమగ్రమైన విధానం అవసరం. చికిత్స ప్రక్రియపై స్పష్టత ఉండటం, ప్రక్రియను విశ్వసించడం మరియు భాగస్వామికి మద్దతు ఇవ్వడం మీకు ఇబ్బంది లేని పద్ధతిలో ఐవిఎఫ్ చేయించుకోవడానికి సహాయపడుతుంది. సంతోషంగా తల్లిదండ్రులవ్వండి !